PH Standard Time
Contact Us
+63 917 724 3823Email Us
mmo@manolofortich.gov.phNews
19th SANGGUNIANG BAYAN SA MANOLO FORTICH
Sa report ni SB Secretary Lydia Lastimosa atol sa Convocation Program nga gipahigayon sa lobby sa New Government Center adlaw’ng Lunes Enero 10, 2022
Dakong garbo sa mga konsehal sa 19th Sangguniang Bayan sa lungsod sa Manolo Fortich sa pagpanguna ni Vice Mayor Miguel D. Demata ang ilang mga nabuhat ug napanday nga mga balaudnon sa tuig 2021.
Sa report ni SB Secretary Lydia Lastimosa atol sa Convocation Program nga gipahigayon sa lobby sa New Government Center adlaw’ng Lunes Enero 10, 2022, gisaysay niini nga nakahimo ang konseho og 50 ka regular ug duha ka special session sa nilabay’ng tuig. Buot pasabot nga walay palya ang konseho sa girekisito kanila sa balaud nga magpahigayon og sesyon matag seman sa entiro tuig.
Dugang pa nga nabuhat sa konseho ang pagpahigayon sa 140 ka Committee Hearing, 172 ka Enacted Ordinances kung asa 83 niini ang aprubado sa Sangguniang Panlalawigan. Mukabat sab sa 341 ang ihap sa napasang resolusyon, 10 ka Public Hearing ug adunay 9 ka nahimong Ocular Inspection.
Lakip sa mga nag-unang nahimo sa Sangguniang Bayan niaging tuig ang paghatag og prangkisa sa 70 ka nanag-iya og Tri-Cab sa lungsod.
Giaprubahan sab niini ang Barangay Revenue Code agi sa pakigtimbayayong sa Municipal Treasurer’s Office, Business Permit and Licensing Office ug ubang ahensya sa gobyerno.
Aduna say dakong tahas ang Sangguniang Bayan arun mapatuman ang nagkadaiyang Covid-19 Responses sa Lokal nga Pangagamhanan. Kini naglakip sa pag-apruba sa mga Supplemental Budgets ug realignment, pag otorisa sa Memorandum of Agreement alang sa paghatag og pundo alang sa 22 ka barangay sa lungsod para sa P500,000 nga pinansyal nga ayuda.
Arun mas malikayan ang pagkuyanap sa makamatay nga sakit, temporaryong gipaundang ang operasyon sa mga sabungan sa lungsod.Suportado sab sa 19th Sangguniang Bayan ang kamugnaan sa mga plantilla position sa mga bag-ong opisina nga namugna sama sa Persons with Disability Affairs Office, Business Permit and Licensing Office, Senior Citizen’s Office ug Management Information Systems Office.
Mapasalamaton si Mayor Clive D. Quiño sa walay puas nga pagpaningkamot sa 19th Sangguniang Bayan arun mahatag ang tiunay ug dekalidad nga serbisyo hilabina sa publiko.
“It really are an epitome of what we call dedication sa atong lungsod sa Manolo Fortich. I am very happy to announce that again for 2021, we have been declared as the Most Competitive Municipality in Region 10. All of these is due to teamwork.” mensahe ni Mayor Clive D. Quiño.
Anaa sab atol sa Convocation Program ang mga Heads of Offices sa Lokal nga Pangagamhanan sa Manolo Fortich sa pagpanguna ni Municipal Administrator Engr. Joie Caesar M. Gaid.
Human sa programa, giinspeksyon ni Mayor Quiño, Vice-Mayor Demata kauban ang mga konsehal ang bag-ohay natibawas nga Legislative Building nga nakatakdang i-turnover sunod bulan.
Ang katukuran sa Legislative Building gigahinan og gibanabana 33 Milyones pesos nga pundo gikan sa lokal ug probinsyal nga pangangamhanan.[End]
Ivan Dasilao
Admin
Date Posted: August 17, 2022
Related Post
Recent Post