SANKANAN LYING-IN

Ika-duha sa 10 point agenda ni Municipal Mayor Rogelio N. Quiño mao ang paglantaw sa maayong panglawas sa katawhan sa Manolo Fortich. Ang katukuran sa Sankanan Lying-in nagpamatuod lamang nga gihingusgan niini ang mga programa ug proyekto alang sa panglawas nga naglakip sa maternal and child care. Andan nang mu-cater ang Sankanan Lying-in nilang mga mabdus nga normal ang pag-anak. Pwede usab dinhi manganak ang mga residente gikan sa mga kasikbit nga barangay arun dili na kinahanglan pang mudangat sa Rural Health Unit o kaha sa pribadong ospital. Kini na ang ika-duhang lying-in center sa lungsod, kahinumduman nga tuig 2020 unang gitukod ang Maluko Lying-in ilawom sa pangatungdanan ni kanhi Mayor ug karon Bukidnon Vice Governor Clive D. Quiño.

TURNOVER OF BFP-PNP SUB-STATIONS

Mayor Rogelio N. Quiño nanguna sa gipahigayong Turnover Ceremony alang sa duha ka dagkong proyekto nga natukod ug naimplementar sa Barangay Damilag. Ubos sa administrasyon ni Mayor Quiño, gipaninguha niini nga masuportahan ang nagkadaiyang ahensya sa gobyerno arun mas mapadali ang pagdalit sa mga dekalidad ug tiunay nga serbisyo. Mapasalamaton ang mga opisyales gikan sa Bureau of Fire Protection ug Philippine National Police tungod sa katukuran sa BFP ug PNP Sub-stations nga ila nang magamit alang sa paghatud og serbisyo sa katawhan sa Barangay Damilag ug mga kasikbit nga barangay.

Earthquake Drill, Mass Evacuation and Camp Management Simulation Exercise 2024

Pipila ka residente, mga estudyante lakip mga personahe gikan sa nagkadaiyang ahensya sa gobyerno ug mga pribadong organisasyon ang nisalmot sa gipahigayong Simulation Exercise kalabot sa Earthquake Drill, Mass Evacuation ug Camp Management nga gipangulohan sa Local Disaster Risk Reduction and Management Office sa Lokal nga Pangagamhanan sa Manolo Fortich. Ika-unom sa 10-Point Agenda ni Mayor Rogelio N. Quiño ang Disaster Preparedness & Climate Change Adaptation sa tinguha nga mahatagan og igong kaalam ang katawhan hilabina sa pagresponde ug mga angayang buhaton panahon sa emerhensya.

LGU Scholarship Grant

Nag-una sa 10-point agenda ni Mayor Rogelio N. Quiño ang Education-For-All sa tumong nga matabangan ang mga estudyante sa lungsod hilabina nilang walay kakapas sa pagpa-eskwela nga maangkon ang dekalidad nga edukasyon agi sa mga gitanyag nga scholarship program. Bulan sa Agosto, gitanyag sa LGU pinaagi sa PESO ang scholarship grant sa mga estudyante nga taga Manolo Fortich nga nipasa sa ebalwasyon ug screening.

Ongoing Construction of MSWD Crisis Center

Ika-lima sa 10-point-agenda ni Mayor Rogelio N. Quiño ang Peace and Order kung asa ubos niini ang operationalization sa Women and Children Crisis Center. Ang WCCC mu-akomodar sa mga babaye nga biktima sa pagpang-abusar/rape, ug kini pod mu-akomodar sa mga CCL kon Children in Conflict with the Law. Sa kasamtangan, kamulo pa ang konstraksyon sa center ug gilauman kini nga ma fully operational sunod tuig 2025.

Manolo Fortich PalengQR PH Plus Program

Ang Paleng-QR Ph Plus program ay binuo ng Bangko Sentral ng Pilipinas (BSP) at Department of the Interior and Local Government (DILG) upang palawakin ang paggamit ng QR Ph code sa pagbabayad sa mga palengke, tindahan, at pampublikong sasakyan.

TREE PLANTING 2024

Kapin 200 ka seedlings sa Rubia tree ang gitanom atol sa natigayong Camp Phillips-Mampayag Road Landscaping Project sa pagpanguna sa Municipal Environment and Natural Resources Office katambayayong ang mga miyembro sa Clean and Green Committee. Ika-walo sa 10 Point Agenda ni Municipal Mayor Rogelio N. Quiño ang pag-protihir sa kinaiyahan ug mapalambo usab ang Torismo pinaagi sa pagpanindot sa mga talan-awon sa lungsod sa Manolo Fortich. Sa kasamtangan gibanabanang 700 meters pa ang natamnan sa nasangpit nga lugar ug gikatakda na usab ang sunod nga hugna sa pagpananom sa rubia tree aron matibawas kini paingon sa Mampayag road.

CONCRETING OF KALUGMAN PROPER SITIO BALAKBAKAN FARM TO MARKET ROAD 2024

Agi sa usa ka prayoridad sa 10 Point Agenda ni Mayor Rogelio N. Quiño nga ang "Agricultural Support Services to Farmers," kanunay gihatagan og dakong pagtagad ang natad sa agrikultura sa lungsod hilabina ang mga mag-uuma. Gikalipay sa mga mag-uuma sa Barangay Kalugmanan, Manolo Fortich ang aprubado nga 7.8 Kilometer Farm-to-Market Road Concreting (FMR) sugod sa Sitio Balakbakan, Kalugmanan, ngadto sa sentro sa barangay ug sa uban pang mga lugar sa lungsod. Aduna kini dakong tabang sa ilang panginabuhian sama sa paghatod sa ilang uma sa mga tindahan.

SANTIAGO-BUKIDNON TOURIST EXPERIENCE 2024

Gipasigarbo sa Barangay Santiago, Manolo Fortich, sa pagpangulo ni Barangay Kapitan Jerville O. Senagonia, ang pinaka-unang Santiago-Bukidnon Tourist Experience ngadto sa mga turista gikan sa nasud sa Israel. Nasaksihan ug nasinati mismo sa mga turista nga sila Husein Abu Rumi ug Ashwaq Abu Rumi ang klase-klaseng mga pasundayag nga anaa sa tourist experience sa Barangay Santiago nga nagsilbi nga panginabuhian sa mga datu ug bae ilawom sa Tribu Bukidnon atol sa ilang pagbisita sa barangay Agosto 19, 2024. Usa sa 10-Point Agenda ni Mayor Rogelio N. Quiño ang Sustainable Tourism sa lungsod. Agi sa Santiago-Bukidnon Tourist Experience, mahingusgan ang natad sa turismo sa mga kabarangayan hilabina sa Barangay Santiago nga adunay dako nga potensyal nga mahimong tourist attraction ug panginabuhian alang sa mga miyembro sa Indigenous Peoples Community.

KADIWA Trade Center 2024

Usa sa 10 Point Agenda ni Municipal Mayor Rogelio N. Quino ang makatabang ug makahatag og maayong kapanginabuhian sa katawhan sa lungsod pinaagi sa mga livelihood programs ug pagmugna og mga kooperatiba. Ning bag-o, pormal nga gilunsad ang Manolo Fortich Vegetables Program nga Katuwang sa Diwa nga gidumaalan sa Bliss Lingion Multipurpose Cooperative kung asa mapalit ang mga utanon ug uban pang basic commodities sa barato nga presyo. Sa tabang sa Municipal Agriculture Office (MAO), naglaraw ang KADIWA nga makatabang sa mga small scale farmers nga makahatag kinitian sa ilang abot sa uma ug mabaligya nila kini sa KADIWA trade center. Nahimutang ang KADIWA trade center sa Barangay Tankulan ug mamahimong mamalit sa mga utanon, mga lamas ug uban pa matag Lunes hangtud Sabado sa alas otso sa buntag paingon alas sais sa gabie.