PH Standard Time

Contact Us

+63 917 (724) 3823

Email Us

lgumanolofortich@yahoo.com

REAL QUALITY PUBLIC SERVICE (RQPS) SUBLING NATAGAMTAM SA MGA KATAWHAN SA BARANGAY DAHILAYAN

Ang mga doktor, nurses ug empleyado sa Manolo Fortich LGU arun magdalit og nagkadaiyang serbisyo ngadto sa mga residente Enero 14, 2022

Nidangat sa Barangay Covered Court sa Dahilayan ang mga doktor, nurses ug empleyado sa Manolo Fortich LGU arun magdalit og nagkadaiyang serbisyo ngadto sa mga residente Enero 14, 2022 sa buntag.Libreng napahimuslan sa mga residente ang mga dekalidad ug libre nga mga serbisyo samas check-up sa mata, konsulta, ibot sa ngipon, tuli lakip pagbakuna sa mga binuhing hayop.Nang-apud-apud sab og libreng antipara, Nutribun alang sa mga kabataan, tsinelas ug kutsilyo.Libre sab ang mga tambal nga gidalit ngadto sa mga residente.Sumala ni Manolo Fortich Vice Mayor Miguel D. Demata nga taliwala sa nasinating pandemiya padayon ang paghatud sa Lokal nga Pangagamhanan sa mga batakang serbisyo arun matabangan ang katawhan.”Inyong nasayran nga ang atong RQPS sukad pa sa 2007 hangtud karon kinse na ka tuig ang paghatud sa matag barangay sa mga serbisyo. Atong ipadayon ang atong paghatag og nagkalain-laing serbisyo dinhi sa Barangay Dahilayan kay kini para ni sa inyo mga katawhan ug mga igsoon nato dinhi sa Barangay Dahilayan.” sugyot ni Vice Mayor Demata.Mapasalamaton si Kapitan Venchito Lugmay tungod kay agi sa RQPS daghan sa ilang mga kabarangay ang nakapahimulos sa mga batakang serbisyo. Dugang niini nga nabati nila ang pagmahal ug pagpangga sa Lokal nga Panggamhanan kanila agi sa RQPS.”Dako kaayo ang akong pasalamat nga nibalik ang RQPS kay dako kini og ikatabang sa amoa hilabina sa panglawas sa mga tao nga nagkinahanglan. Wala nay pangitaon pa ang mga tao.. naserbisyuhan gyud og ayo ang katawhan dinhi sa among barangay.” pahayag ni Kapitan Lugmay.Ang Real Quality Public Service unang gisugdan ni kanhi Mayor ug kasamtangang Bise Gubernador sa probinsyas Bukidnon nga si Rogelio N. Quiño tuig 2007 ug gipadayon ug mas gipalambo pa ni Mayor Clive D. Quiño ubos sa iyang pangatungdanan.

Image

Image

Image

Image

Image

Image

Image

Image

Image

Ivan Dasilao
Ivan Dasilao

Admin

Date Posted: August 17, 2022

PROVINCE OF BUKIDNON

MUNICIPALITY OF MANOLO FORTICH